3 a P

Daniw ni HONOR BLANCO CABIE

Pittagaw

sardam pinili
rabii nadagaang
agkakamakam uni
pittagaw kinawayanan
manipud dekada uppat a pulo
dekada a pitopulo haranada adda
bigla a nagawan naumbi a harana
kinagiddanda a nagawan saksakulap
adda umuk-ukuok sennaay tarumpingay
adda dung-aw a makattitileng kinaulimek.
~saibbek ti aglawlaw~
kinaulimek makattitileng a dung-aw adda
tarumpingay sennaay umuk-ukuok adda
saksakulap nagawan a kinagiddanda
harana a naumbi nagawan a bigla
adda haranada pitopulo a dekada
uppat a pulo dekada manipud
kinawayanan pittagaw
uni agkakamakam
nadagaang rabii
pinili sardam.

Panaglennek

nakaay-ay-ayda
mabisbisinan
ramasen saraaw
agalusiis panagkiraud
buksit awanan kaladukad
pinaidaman bumisibis a dam-eg
agmalmalem agpatpatnag sumiksikkil
buksit awanan kanayon mairurumen
kakaasida pagar-aruyotan nabuslon a lua
init lumnek manen umili mabisbisinan latta.
~sarming kinaay-ay~
latta mabisbisinan umili manen lumnek init
lua a nabuslon pagar-aruyotan kakaasida
mairurumen kanayon awanan buksit
sumiksikkil agpatpatnag agmalmalem
dam-eg a bumisibis pinaidaman
kaladukad awanan buksit
panagkiraud agalusiis
saraaw ramasen
mabisbisinan
nakaay-ay-ayda.

Panagellek

mapukawto
raniag aglawlawyo
aduda timmangtangad
nagrusrusingan namnama
linumoten ar-arapaap sirmata
impagarupyo panaglikigyo awan
ilelennekyo tangatang a nalawag
awan immappayaw pampanunotyo
itan kaparehoyo nabara bimmeggang
lumneken lumlumneken dung-aw awanen.
~agsipngeten~
awanen dung-aw lumlumneken lumneken
bimmeggang nabara kaparehoyo itan
pampanunotyo immappayaw awan
nalawag a tangatang ilelennekyo
awan panaglikigyo impagarupyo
sirmata ar-arapaap linumoten
namnama nagrusrusingan
timmangtangad aduda
aglawlawyo raniag
mapukawto.