Kuna ni Presidente Marcos Jr.: Indonesia, suplayanna iti ganagan ti Filipinas

Ni Joseph Pedrajas

Ladawan manipud iti Malakanyang.

JAKARTA, Indonesia—Manamnama nga agangkat ti Filipinas iti ganagan iti daytoy a pagilian.

Daytoy ti impakaammo ni Presidente Ferdinand “Bongbong” Marcos Jr., agpapaay pay a sekretario ti Department of Agriculture (DA), kalpasan ti “nakabungbunga” a pannakiumanna iti Presidente ti Indonesia a ni Joko Widodo.

Dinakamat ni Pres. Marcos Jr. nga inagapadna ti maipapan iti agrikultura ta para kenkuana, napateg daytoy a banag a masapul a mapagsaritaan. Nagbunga ngarud daytoy iti posibilidad a suplayan ti Indonesia ti Filipinas iti ganagan kas iti Urea.

Nupay sirsirigenna ti panagiray kadagiti mapabaro nga enerhia (renewable energy), mangnamnama pay ti Presidente ti nayon a suplay ti coal manipud iti Indonesia kalpasan nga insardeng daytoy ti nagiyeksport iti coal sumagmamano a lawas ti napalabasen.

Dinakamat ketdi ti Presidente a nupay maaramat latta ti coal, adda latta naituding para iti renewable energy.

(Damag manipud iti Manila Bulletin.)