TAO, LUGAR, PASAMAK: Sadiay Ilocos Sur

ILOCOS SUR. Inwaras da Gobernador Jeremias “Jerry” Singson (tengnga) kaduana da SPM Mildred Elaydo a chairman ti SP Committee on Senior Citizens and Differently-Abled Persons (adda iti kanigid ti gobernador), ken OIC Provincial Social Welfare and Development Officer Rodrigo Llameg (maikadua manipud iti kanawan) ti tulong pinansial kadagiti 360 nga addaan rangkap manipud iti 11 nga ili iti Umuna a Distrito ti Ilocos Sur a pakairamanan ti ili a Santa iti Maikadua a Distrito idi Agosto 29, 2023 bayat ti programa a naangay iti Provincial Farmers Livelihood Development Center iti Siudad ti Vigan. Immawat ti tunggal benepisiario iti PhP3,000 para iti umuna a semester ti 2023. Ad-adalen metten ti gobierno lokal ti posible a pannakanayon ti bilang dagiti benepisiario ken ti pannakaingato ti binulan nga awaten dagitoy. (Teksto: Mancielito S. Tacadena/Ladawan: Pammadayaw ti Opisina ti Gobernador)