TAO, LUGAR, PASAMAK: Sadiay Siudad ti Vigan

PRE-TRIPARTITE CONSULTATIVE CONFERENCE 2023. Tapno addanton nakasagana nga idatagda a computation ti gastos iti panagmula iti birhinia, burley ken native a tabako ken no mano ti dawatenda a ngatuan ti presio ti tunggal kilo iti sumaruno a panagaapit tapno saanda a malugi, inangay ti National Tobacco Administration (NTA) ti Pre-Tripartite Consultative Conference 2023 itay Setiembre 14 iti Provincial Farmers Livelihood Development Center iti Siudad ti Vigan. Inatendaran daytoy dagiti mannalon ti tabako ken dagiti daulo ti National Federation of Tobacco Farmers Associations and Cooperatives (NAFTAC) manipud kadagiti probinsia ti Isabela, Cagayan, Abra, Ilocos Norte, ken Ilocos Sur. Karaman kadagiti simmango kadagiti mannalon da (agpakanawan) Ilocos Sur Provincial Administrator Marlon Flavier Tagorda, Ilocos Sur Sangguniang Panlalawigan Member Efren Rafanan Sr., NTA Administrator Belinda Sarmiento-Sanchez, Department of Agriculture (DA) Undersecretary Deogracias Victor Savellano, ken NAFTAC National President Bernard Vicente. Maangayto met ti maysa a Tripartite Conference a kasangonto met dagiti mannalon dagiti aggatgatang iti tabako ken dagiti kompania nga agparpartuat iti sigarilio. (Teksto: Mancielito S. Tacadena/Ladawan: Pammadayaw ti Opisina ti Gobernador)

Ni DA Undersecretary Deogracias Victor “DV” B. Savellano bayat ti panagsaritana iti Pre-Tripartite Consultative Conference.