AMMUEM PAY DAYTOY: Lansones idiay Laguna

LOS BAÑOS, LAGUNA. Lansones ken rambutan ti kangrunaan a mailaklako iti probinsia ti Laguna iti maudi nga apagkapat ti tawen. Naintar dagiti aglaklako iti igid ti kalsada nasional. Kas iti daytoy naisem a tindera a mangididiaya kadagiti lakona a lansones ken rambutan. Kas kunana, ad-adda a kayat dagiti aggatang ti patneng a lansones ngem ti duco. Nasamsam-it ken natubtubbog ngamin uray babbabassit. Agpateg iti 90 a pisos ti sangakilo a lansones; 30 a pisos met ti rambutan. (Aileen R. Rambaud)

Naipablaak iti Disiembre 1-15, 2023 a bilang ti Bannawag.